24-26 iyul tarixlərində təşkil olunan ənənəvi V Yaylaq Festivalı çərçivəsində ziyarətçilərin marağına səbəb olan "Yoğurt Festivalı" baş tutub.
Tədbir Azərbaycan Dövlət Aqrar Universiteti (ADAU) və universitetin Tələbə Həmkarlar İttifaqı Komitəsinin (THİK), eləcə də Türkiyə Əməkdaşlıq və Koordinasiya Agentliyinin (TİKA) dəstəyi, Türkiyə Respublikasının Gəncədəki Baş Konsulluğunun birgə təşkilatçılığı ilə ərsəyə gəlib.
Festivalda dövlət və hökumət nümayəndələri də iştirak ediblər. Azərbaycan Respublikasının Gənclər və İdman naziri Fərid Qayıbov və Göygöl Rayon İcra Hakimiyyətinin başçısı Vüqar Novruzov tədbirin qonaqları sırasında olublar. İki qardaş ölkənin birgə əməkdaşlığı çərçivəsində həyata keçirilən tədbir iştirakçılara rəngarəng anlar yaşadıb.
