ADAU Tələbə Həmkarlar İttifaqı Komitəsi tərəfindən I kurs tələbələri üçün infosessiya keçirilib.
İnfosessiya zamanı tələbəlik illərinin yalnız akademik biliklərlə məhdudlaşmadığı, eyni zamanda sosial fəallıq, şəxsi inkişaf və yeni təcrübələrin qazanılması baxımından mühüm mərhələ olduğu vurğulanıb. Komitənin tələbələrin universitet həyatına inteqrasiyasına, onların təşəbbüslərinin dəstəklənməsinə və tələbə-mərkəzli mühitin formalaşmasına verdiyi töhfələr diqqətə çatdırılıb.
Səmərəli müzakirə şəraitində keçən görüş tələbələrin təşkilatın fəaliyyəti ilə daha yaxından tanış olmalarına, onları maraqlandıran suallara cavab tapmalarına və gələcək əməkdaşlıq imkanlarını dəyərləndirmələrinə şərait yaradıb.
Tələbə maraqlarının müdafiəsi, fəal tələbə mövqeyinin təşviqi və universitet həyatında iştirak imkanlarının genişləndirilməsi fəaliyyətimizin əsas prioritetlərindəndir.
