ADAU-da “Yaşıl Gənclik: Dayanıqlı İnkişaf Məqsədlərinə Doğru” adlı yay məktəbi keçiriləcək

21–25 iyul 2025 tarixlərində Azərbaycan Dövlət Aqrar Universitetinin kampusunda və təbiət qoynunda keçiriləcək bu yay məktəbi gənclərin ekoloji düşüncəsini formalaşdırmaq, onların dayanıqlı inkişaf sahəsində bilik və bacarıqlarını artırmaq məqsədi daşıyır.

Yay məktəbində iştirak edəcək gənclər Azərbaycan Respublikasında fəaliyyət göstərən müxtəlif ali təhsil müəssisələri tərəfindən müəyyən edilmiş tələbələrdir. Onlar BMT-nin Dayanıqlı İnkişaf Məqsədləri ilə yaxından tanış olacaq, iqlim dəyişmələri, tullantıların idarə olunması, alternativ enerji və yaşıl innovasiyalar barədə maarifləndirici sessiyalarda iştirak edəcəklər.

Tədbir çərçivəsində yerli ekspertlərlə görüşlər, praktiki seminarlar və yeni yaşıl təşəbbüslərin hazırlanmasına yönəlmiş mentorluq dəstəyi də nəzərdə tutulub.

Ətraflı məlumat üçün: adau.edu.az | sdg.adau.edu.az | adauthik.az